Azərbaycan, Bakı/ Trend müxbir S.İlhamqızı/ İran prezidentini müşayiət edən mülki vertolyotlar Azərbaycanın hava sərhəddini pozaraq, Astara rayonu üzərində uçuş keçiriblər. Bu faktı Astara rayon icra hakimiyyətindən də təsdiqləyiblər.
Astara icra hakimiyyətinin mülki müdafiə şöbəsinin müdiri Zaur Hüseynov bildirib ki, bu gün - fevralın 22-də İrana məxsus vertolyotlar rayon ərazisində havada dövrə vurublar. Lakin Z.Hüseynov qeyd edib ki, Astara rayon icra hakimiyyəti bu uçuşun səbəbini bilmir və araşdırma aparılması da onun səlahiyyətlərinə aid deyil: "Bu, artıq müvafiq dövlət orqanlarının işidir".
Qeyd edək ki, İran prezidenti Mahmud Əhmədinejad bu gün İran Astarasında səfərdə olub.