Azərbaycan, Bakı / Trend müxbir İ.Əlizadə/ Martın 9-da müxalifəti təmsil edən Müsavat Partiyasının başqanı İsa Qəmbər İsveçin Azərbaycan, Ermənistan və Gürcüstan üzrə səfiri Hans Gunnar Adeni ilə görüşüb. Bu barədə Müsavat Partiyasının mətbuat xidmətindən məlumat verilib.
Görüşdə ölkə daxilinədki siyasi durum, regional problemlər, Dağlıq Qarabağ münaqişəsinin həlli ətrafında yaranmış vəziyyət və Azərbaycan-Avropa əlaqələrinin inkişafı müzakirə olunub.
Qeyd edək ki, müxalifəti təmsil edən Müsavat Partiyası 1992-ci ildə yaradılıb. Partiyanın başqanı İsa Qəmbər Azərbaycan parlamentinin eks-spikeri (1992-93-cü illərdə) və 2003-cü ildə keçirilmiş prezident seçkisində prezidentliyə namizəd olub. Müsavat Milli Məclisdə 5 deputatla təmsil olunur.
