Azərbayacan, Bakı/ Trend müxbir S.Ağayeva/ Rusiya türkmən qazının Azərbaycandan nəql olunması imkanlarına diqqətlə yanaşır. Bu barədə Rusiyanın Azərbaycandakı səfiri Vasili İstratov rəsmi Bakının türkmən qazının Azərbaycandan nəql olunmasının mümkünlüyü barədə Rusiyanın rəsmi orqanlarının münasibətini şərh edərkən bildirib.
Diplomat deyib ki, məsələ Azərbaycan, Türkmənistan və bir başa potensil istehlakçılara aiddir. Onun sözlərinə görə, məsələnin həlli Türkmənistandan, onun hansı istiqamətdə, yaxud mövcud olan hansı yolla öz karbohidrogen ehtiyatlarını ixrac etmək istəyindən asılı olacaq. Istratov deyib ki, Türkmənistanın dörd istiqamətdə ixrac imkanları var və heç kim deyə bilməz ki karbohidrogen ehtiyatlarını ixracı üçün o, mütləq bir yol seçməlidir. Rusiyaya gəldikdə isə, Moskvanın bu məsələ ilə bağlı heç bir narahatçılığı yoxdur, ancaq diqqəti var.
Məqalə müəllifi ilə əlaqə ünvanı news@trend.az
Bizi Twitter-dən izləyin @trend_az
Trend-in ən mühüm və maraqlı xəbərlərini "Telegram"da izləyin
