Azərbaycan, Bakı / Trend müxbir E.Hüseynli/ Azərbaycan Milli İstiqlal Partiyası (AMİP) partiyanın ilk qərargahından çıxarılması ilə bağlı Ali Məhkəməyə kassasiya şikayəti verəcək. Bununla bağlı partiyanın Siyasi Şurasında razılıq əldə olunub. Bu barədə bazar ertəsi Trend ə açıqlamasında AMİP-in təbliğat və mətbuat katibi Əli Orucov məlumat verib.
Onun sözlərinə görə, partiya "Azadlıq" prospekti, 179-da yerləşən qərargahını qaytarmaq üçün yenidən hüquqi müstəvidə mübarizə aparacaq. Bütün məhkəmə instansiyaları AMİP-in iddiasını təmin etmədiyindən, Ali Məhkəməyə müraciət edəcək. Hazırda sənədləşdirmə işi aparılır.
AMİP qərargahından 2001-ci ilin iyulunda çıxarılıb.