Azərbaycan, Bakı/ Trend müxbir S.Ağayeva/ Azərbaycanda uşaq futbolunun inkişaf konsepsiyası hazırlanır. Bu barədə jurnalistlərə çərşənbə axşamı gənclər və idman naziri Azad Rəhimov bildirib.
Onun sözlərinə görə, bura ümumilikdə 2015-ci ilə qədər Azərbaycanda futbolun inkişafı daxildir.
Nazir qeyd edib ki, konsepsiya layihəsinə nazirliyin növbəti kollegiya iclasında baxılacaq. Sənəd idmanın bu sahəsinə diqqətin artırılmasını, maddi-texniki bazanın yaxşılaşdırılmasını, kadrların hazırlanmasını və s. məsələləri əhatə edir.