Azərbaycan, Bakı/ Trend müxbir E.Hüseynli/ Seçki Məcəlləsinə əlavə və dəyişikliklərlə bağlı AŞ-nin Venesiya Komissiyasının son təklifləri Azərbaycan hökuməti tərəfindən müzakirə edilərək sentyabradək təqdim olunmalıdır. Bu barədə Trend ə çərşənbə günü MM-in İcra Aparatının rəhbəri Səfa Mirzəyev məlumat verib.
Mirzəyevin sözlərinə görə, Venesiya Komissiyasının təkliflərində Azərbaycanın məqbul saydığı məqamlar da var. Hazırda həmin təkliflərin müzakirə olunduğunu bildirən aparat rəhbəri bildirib ki, tərəflərin razılığına əsasən, tam razılıq əldə olunmayanadək müzakirə olunan təkliflər ictimaiyyətə açıqlanmayacaq. Mirzəyev müzakirə olunan təkliflər sırasında seçki komissiyalarının paritet əsaslarla formalaşdırılması ilə bağlı təklifin olduğunu da bildirib.
Məqalə müəllifi ilə əlaqə ünvanı news@trend.az
Bizi Twitter-dən izləyin @trend_az
Trend-in ən mühüm və maraqlı xəbərlərini "Telegram"da izləyin
