Azərbaycan, Bakı/ Trend müxbir K.Ramazanova/ Böyük Britaniyanın Azərbaycandakı səfirliyi 2007-2008-ci illər üçün "Çivininq təqaüdü" proqramının qaliblərini açıqlayıb. Mərasim çərşənbə günü Böyük Britaniya səfirliyində baş tutub.
Müsabiqənin yekununa əsasən 5 azərbaycanlı tələbə Londonun aparıcı universitetlərində magistr dərəcəsi alacaq. "Çivininq Təqaüdü" proqramı Britaniya hökuməti tərəfindən maliyyələşdirilir. Proqram 150-dən çox ölkədə həyata keçirilir. 1994-cü ildən Azərbaycanda bu proqram üzrə 54 tələbə təhsil alıb.