Azərbaycan, Bakı / Trend müxbir K.Zərbalıyeva/ Baş prokuror Zakir Qaralov həftənin sonu işə çıxacaq. Bunu baş prokurorun müavini Rüstəm Usubov 1 oktyabr Prokurorluq orqanlarının yaradılmasının 89-cu ildönümü münasibətilə keçirilən tədbirdə jurnalistlərə verdiyi açıqlamada deyib.
Usubov bildirib ki, Qaralovun səhhəti normaldır və o, özünü yaxşı hiss edir.
Usubov bildirib ki, baş prokuror sentyabrın 17-dən qısamüddətli məzunuyyətdədir və məzuniyyətini xaricdə keçirir.
Baş prokuror sentyabrın 13-də qan təzyiqinin qalxması ilə əlaqədar Mərkəzi Neftçilər Xəstəxanasına yerləşdirilib, 2 gün müalicə alandan sonra sentyabrın 15-də xəstəxanadan buraxılıb.
Sentyabrın 17-də isə Qaralov qısamüddətli məzuniyyətə çıxıb.