Azərbaycan, Bakı, 9 noyabr /müx. TrendLife Eldar Hüseynzadə/ Bu ilin sonunadək Azərbaycan haqqında yeni reklam çarxlarının çəkilişləri başa çatdırılacaq. Mədəniyyət və turizm naziri Əbülfəz Qarayevin TrendLife-a verdiyi məlumata görə, reklam çarxları hazır olduqdan sonra bir neçə tanınmış xarici telekanalda yayımlanacaq. Nazir bu sırada CNN, Euronews, National Geographic Travel Chanel kimi tanınmış telekanalların adını çəkib. Xatırladaq ki, bu ilin əvvəlində də bir neçə tanınmış xarici telekanallar Azərbaycan haqqında reklam çarxları yayımlamışdılar.