Azərbaycan, Bakı, 15 yanvar / Trend müxbir Z.Səfərov/ AFFA prezidenti seçkilərinin tarixini Assosiasiyanın İcraiyyə Komitəsi müəyyən edəcək.
Trend -in verdiyi xəbərə görə, təşkilatın Konfrasında qəbul edilən qərara əsasən, seçkilər martda baş tutacaq. Lakin seçkilərin keçirilməsinin konkret tarixi sonra müəyyən ediləcək. AFFA-nın keçmiş rəhbəri Ramiz Mirzəyevin vəfatından sonra onun vəzifələrini bu futbol strukturunun vitse-prezidenti Elşad Nəsirov icra edib.
Konfrasın digər maraqlı anı yerli oyunçular və məşqçilərə görə klubların AFFA-ya ödədikləri üzvlük haqqının tam ləğv edilməsi olub. Onlar istisna olaraq legionerlərə və beynəlxalq sertifkikatı olmayan əcnəbi məşqçilərə aid ediləcək. Üzlvlük haqqının məbləği hər əcnəbiyə görə 10 manat təşkil edəcək.