Azərbaycan, Bakı, 13 mart / Trend , müxbir A.Salmanov/ Naxçıvan şəhərində martın 12-si axşam 18.00-dan başlayaraq çayxanalar bağlanılır. Dünən şəhərin Heydər Əliyev prospektində 4 çayxana və 3 ticarət obyekti sökülüb.
Naxçıvan şəhərinin müxtəlif bölgələrindəki kiçik ticarət obyektlərinə xəbərdarlıq edilib ki, mal dövriyyəsini dayandırsınlar və dövriyyədə olan mallar satılsın. Yaxın vaxtlarda həmin ticarət obyektləri də bağlanılacaq.
Naxçıvan Muxtar Respublikasının İqtisadi İnkişaf Nazirliyindən çayxana və ticarət obyektlərinin bağlanmasının səbəbləri barədə məlumat verilməyib.
Təkcə Naxçıvan şəhərində 50-yə yaxın çayxana fəaliyyət göstərir.
