...

Bakı-Kürdəmir magistral yolunda yaşıllaşdırma işləri başa çatıb

Cəmiyyət Materials 31 Mart 2008 11:30 (UTC +04:00)

Azərbaycan, Bakı, 31 mart / Trend ", müxbir E.Hüseynli/ Bakı-Kürdəmir magistral avtomobil yolunun Hacıqabul rayonu ərazisində yolun sağ və sol tərəflərində mühafizə zolaqlarının yaşıllaşdırılması işləri başa çatıb. Bu barədə bazar ertəsi Trend a Ekologiya və Təbii Sərvətlər Nazirliyinin (ETSN) mətbuat xidmətindən məlumat verilib.

Azərbaycan prezidentinin "Magistral avtomobil yollarının mühafizə zolaqlarının yaşıllaşdırılması haqqında" 30 oktyabr 2007-ci il tarixli Sərəncamı ilə əlaqədar Bakı-Kürdəmir magistral avtomobil yolunun Hacıqabul rayonunun Atbulaq kəndindən rayon mərkəzinə doğru olan hissəsinin 28 kilometrlik ərazisində yaşıllaşdırılma işləri aparılırdı.

Magistral avtomobil yollarının mühafizə zolaqlarının yaşıllaşdırılması üçün Azərbaycan prezidentinin Ehtiyat Fondundan ETSN-ə 3,5 milyon manat məbləğində vəsait ayrılıb. Nazirlik 2 lotdan ibarət tender elan edərək suvarma sistemlərinin qurulması üçün İsrail şirkəti "Semeri" MMC ilə 2 700000 manat, dekorativ ağac və kolların alınması üçün isə Bolqarıstan şirkəti olan "Formula Stil" LTD ilə 8 00000 manat məbləğində müqavilə bağlayıb.

Xəbər lenti

Xəbər lenti