Azərbaycan, Bakı, 18 aprel / Trend , müxbir Z.Səfərov/ Bakıda keçirilən lisenziya turnrində Pekinə vakansiya qazanmaq uğrunda mübarizə aparan Azərbaycanın qadınlardan ibarət otüstü xokkey üzrə yığma komandasının olimpiya perspektivdləri aprelin 18-də son tur çərçivəsində Ukraynaya qarşı keçriləcək oyundan sonra həll olunacaq.
İspanlara 0:4 hesablı məğlubiyyətdən sonra Tahir Zamanın yetirmələrini qarşıdakı oyunda yalnız qələbə təmin edir. Bundan əlavə hər iki komanda eyni xala malikdir və cədvəldə ikinci yerə iddia edir. İkinci yeri tutacaqları təqdirdə onlar finalda İspaniya ilə oynamaq hüququ əldə edəcəklər. Bununla yanaşı doğma divarlar amili və reytinq nəzərə alınmaqla turnirin favoriti ev sahibləri hesab olunur.
Bakıda uğurlu çıxış Azərbaycan yığmasının Oyunlara düşməsi üçün yeganə real imkandır.
Müəlliflə əlaqə saxlamaq üçün elektron ünvan : trend @trend.az