Azərbaycan, Bakı,14 may / Trend , müxbir K.Zərbalıyeva/ Azərbaycanın hazırda həbsdə olan sabiq səhiyyə naziri Avropa Məhkəməsinə şikayət verib. Sabiq nazir Əli İnsanovun vəkili Toğrul Babayev çərşənbə günü Trend -a bildirib ki, şikayətdə İnsan hüquqlarının və azadlıqlarının müdafiəsi haqqında Avropa Konvensiyasının azadlıq və toxunulmazlıq (maddə 5), ədalətli məhkəmə (maddə 6) və qanunsuz cəzalandırılmamaq (maddə 7) hüquqlarının pozuntuları qeyd olunub.
Dövlət çevrilişinə cəhd, kütləvi iğtişaşlara hazırlığa görə 2005-ci ilin oktyabrında həbs olunmuş sabiq səhiyyə naziri bu il məhkəmənin hökmü ilə korrupsiya cinayətlərində təqsirli bilinərək əmlakı müsadirə olunmaqla 11 il azadlıqdan məhrum edilib. Apellyasiya və Ali Məhkəmə hökmün İnsanova aid hissəsini qüvvədə saxlayıb.
Avropa Məhkəməsindən sabiq nazirin pozulmuş hüquqlarının bərpası xahiş olunub.
Vəkil şikayətdə kompensassiyanın məbləğinin müəyyənləşdirilmədiyini bildirib. Babayev deyib ki, şikayətin məhkəməyə daxil olması barədə onlara məlumat verilib.
Müəlliflə əlaqə saxlamaq üçün elektron ünvan - [email protected]
