Azərbaycan, Bakı, 16 may /müx. TrendLife Safura/
Türk müğənnisi Çingiz Kürdoğlu mayın 22-si gecə Bakıya gələcək. Ertəsi gün isə müğənni "Flanminqo" restoranında yerli müğənni Elçin Hüseynovla birgə səhnəni paylaşacaq. Bu haqda TrendLife-a konsertin təşkilatçısı Sayqa Cahid xəbər verib. Onun sözlərinə görə, konsertdən əvvəl türk müğənnisi KİV nümayəndələri ilə mətbuat konfransı keçirəcək. TrendLife müğənni ilə əlaqə saxlayaraq, bəzi şeyləri öyrəndi. "Mayda Azərbaycanda bayramlar çox olur. Ona görə də konsertimi may ayında keçirtmək qərarına gəldim. Pərəstişkarlarıma iki qat bayram olsun deyə. Konsertdə bundan əlavə tamaşaçıları bir çox sürprizlər gözləyir".