Azərbaycan, Bakı, 13 iyun/ Trend , müxbir E.Babayev/ Azərbaycan jurnalistlərinin 5-ci qurultayına hazırlıq üzrə Təşkilat Komitəsinin bu gün keçirilən iclasında qurumun İdarə Heyətinə kimlərin namizəd olacağının müəyyənləşdirmək mümkün olmayıb. "Biz qəzetlər tərəfindən təqdim olunan namizədlərin adları olan zərfləri açdıq və onların sayılması prosesinə başlanıldı. Namizədlərin kim olacağı gələn həftə Təşkilat Komitəsinin son iclasında bəlli olacaq. Ən çox adları çəkilənlər İdarə Heyətinə namizəd olacaqlar"- cümə günü Trend -a Mətbuat Şurasının sədri Əflatun Amaşov bildirib.
Trend -un arayışı: Jurnalistlərin qurultayı iyunun 20-də keçiriləcək. Toplantıda təşkilati məsələlərə daha çox yer ayrılacaq.
Amaşov xatırladıb ki, Şuranın 155 təisiçisindən əksəriyyəti qurultayda iştirak edəcək. Təsisçilərdən yalnız 20-si qurultayda iştirak edə bilməyəcək. Buna səbəb odur ki, onların bir qismi Şura ilə əlaqələrini kəsib, bir qismi isə bağlanıb.
Məqalə müəllifi ilə əlaqə ünvanı: [email protected]
