Azərbaycan, Bakı, 01 iyul / Trend , müxbir K.Zərbalıyeva/ Azərbaycanın Milli Qəhrəmanı Rasim Əkbərovun vəziyyəti ağırdır. Çərşənbə axşamı İşgəncələrə Qarşı Azərbaycan Komitəsinin sədri Elçin Behbudov 1 saylı Cəzaçəkmə Müəssisəsində saxlanılan Əkbərovla görüşüb.
Behbudov Trend - a bildirib ki, Əkbərov qara ciyər, böyrək, ürək, prostat vəzin ağrılarından əziyyət çəkir.
Keçmiş hərbçinin gəzə bilmədiyini deyən Komitə sədri deyib ki, bir gün əvvəl Əkbərov gecə saatlarında huşunu itirib.
Behbudov müəssisənin tibb hissəsində müalicə olunan Əkbərovun vaxtından əvvəl azad olunması üçün Prezidentə müraciət edəcəyini deyib.
Vətənə xəyanətdə ittiham olunaraq 15 il azadlıqdan məhrum edilmiş Əkbərov cəzasının 9 ilini çəkib.
AŞPA-nın hazırladığı siyasi məhbus siyahısına Əkbərovun da adı daxil edilib və bu beynəlxalq təşkilat keçmiş hərbçinin azadlığa buraxılmasını Azərbaycan hökumətindən tələb edir.
Müəlliflə əlaqə saxlamaq üçün elektron ünvan - [email protected]
