Azərbaycan, Bakı, 05 iyul /TrendLife müx. Eldar Hüseynzadə/
XII-XIII əsirin rəngli pambıq parçası Lətif Kərimov adına Dövlət Xalça və Xalq Tədbiqi İncəsənət Muzeyinə təhvil verilib. "Bu pambıq parçalar Qardaşxanov Aslan və Bəhlul İbrahimov tərəfindən 1979-cu ildə Xaraba-Gilanda tapılıb. İndi isə onu bizə təhvil veriblər",-bu sözləri muzeyin direktoru Roza Tağıyeva TrendLife-a söyləyib.
Bundan əlavə muzey e.ə VIII-VI əsrlərdən qalma üç tunc bilərzik, iki tunc düymə,həmçinin üç tunc üzük alıb. Bütün bu tapıntılar Muncuqlutəpədə (NMR-nın Ordubad rayonunda) tapılıb və tarix elmləri namizədi Solmaz Qaşqayemə təhvil verilib.
.