Azərbaycan, Bakı, 07 iyul / Trend , müxbir İ.Əlizadə/ Azərbaycanın şimalında yerləşən Quba rayonunun ərazisində aşkar olunan kütləvi məzarlığın araşdırılması üçün ABŞ-dan mütəxəssislər dəvət olunacaq. "Qubada azərbaycanlılara qarşı törədilən soyqırım hadisələrini sübut edən şəkil və videolentlər ABŞ - da fəaliyyət göstərən mərkəzlərə çatdırılacaq. Sonra yüksək səviyyəli mütəxəssislər Qubada çalışmaq üçün dəvət ediləcəklər" - bazar ertəsi jurnalistlərə açıqlamasında deputat Həvva Məmmədova məlumat verib.
Trend -un arayışı: 2007- ci ildə Qubada stadion tikintisi zamanı kütləvi məzarlıq aşkar olunub. Araşdırmalar nəticəsində məlum olub ki, mərazlıqda basdırılan insan qalıqları 1918- ci ildə ermənilər tərəfindən kütləvi şəkildə soyqrıma məruz qalan azərbaycanlılara məxsusdur. İndiyə qədər 198 insana məxsus qalıq aşkarlanıb, onlardan 48 -i uşaq, 51-i qadın və yerdə qalanları yaşlılara məxsusdur.
Milli Elmlər Akademiyasının Arxeologiya və Etnoqrafiya İnstitutunun əməkdaşlaarı qazıntı işlərini davam etdirirlər. Millət vəkilləri Həvva Məmmədova, Baba Tağıyev və Amerikada yaşayan azərbaycanlı Rəhim Şahbazi bazar günü Qubada kütləvi insan məzarlıqlarına baş çəkiblər.
Deputat qeyd edib ki, ermənilərin Qubada törətdikləri soyqırımın qurbanı olmuş insanların sümüklərinin şəkilləri və videolentlər hazırlanıb. Məqsəd bu şəkil və videolentləri ABŞ ictimaiyyətinə çatdırmaqdır.
Quba paytaxt Bakıdan 170 kilometr şimalda yerləşir.
Məqalə müəllifi ilə əlaqə ünvanı: [email protected]