Azərbaycan, Bakı,07 avqust / Trend , müxbir S.Kazımlı/ Azərbaycanın Ədliyyə Nazirliyinin Penitensiar Xidmətinin Qobustan qapalı həbsxanasında cəza çəkən, ömürlük azadlıqdan məhrum edilən Dəyanət Kərimov yenidən aclıq aksiyasına başlaya bilər. Bu barədə cümə axşamı Trend -a Kərimovun bacısı Nübar Kərimova məlumat verib. Kərimovanın sözlərinə görə, qardaşı onunla əlaqə saxlayaraq, bildirib ki, həbsxananın rəisi Kazım Abdullayev Kərimova qarşı təxribat xarakterli kampaniya başlatdırıb. Bu səbəbdən də o, ya özünə xəsarət yetirəcəyini, ya da yenidən aclıq aksiyasına başlayacağını deyib.
Ədliyyə Nazirliyinin Penitensiar Xidmətinin mətbuat xidmətindən Trend -a bildiriblər ki, bu məsələ ilə bağlı onlarda məlumat yoxdur.
Xatırladaq ki, Azərbaycan parlamentinin mərhum vitse-spikeri Afiyəddin Cəlilovun qətlində təqsirləndirilən Kərimov bir necə dəfə həbsxanada aclıq aksiyası kecirib.
Məqalə müəllifi ilə əlaqə ünvanı: [email protected]
