Azərbaycan, Bakı, 13 noyabr / Trend , müxbir K. Zərbalıyeva / Azərbaycan məhkəməsi odlu silahla iki nəfəri qətlə yetirən? bir nəfəri yaralayan Göygöl rayon sakininə ömürlük azadlıqdan məhrumetmə cəzası verib.
Göygöl rayonunun Bulaclı kənd sakini Seymur Ələsgərov bu il iyulun 22-də həyat yoldaşı Pərvanə Məmmədovanı, qayınatası xaliq Məmmədovu ov tüfəngi ilə öldürüb, qayınanası Mənzər Məmmədovaya xəsarət yetirib, qaynı Xəyal Məmmədovu isə öldütməyə cəhd göstərib.
Məhkəməyə verdiyi ifadəsində Ələsgərov bildirib ki, 2007-ci ildə Məmmədova ilə ailə həyatı qurub. Evli olduqları müddətdə qayınanası tez-tez onlara gələrək ailədə dedi-qodu salıb, münaqişə yaradıb. Sonuncu münaqişədən sonra qayınanası qızını evinə aparıb.
Təqsirləndirilən deyib ki, həyat yoldaşını evə qaytarmaq üçün bir neçə dəfə qayınatasıgilə getsə də, Mənzər Məmmədova qızının ər evinə qayıtmasına icazə verməyib.
Ailəsini dağıtdığı üçün qayınanasından qisas almaq məqsədilə Ələsgərov iyulun 22-də qayınatasının evinə gedib.
Ələsgərov bildirib ki, məqsədi yalnız qayınanasını qətlə yetirmək olub, ailənin digər üzvlərini öldürmək fikrində olmayıb.
Məqalə müəllifi ilə əlaqə ünvanı:[email protected]
