Azərbaycan, Bakı, 22 dekabr/ Trend , müxbir R.Ergün/ Azərbaycanın "Xəzər-Lənkəran" futbol klubunun yeni vitse-prezidenti Rəvan Bəşirov olub. Bu barədə Trend - a klubun mətbuat xidməti məlumat verib.
Trend -un arayışı: Bu gün "Xəzər-Lənkəran"ın vitse - prezidenti Araz Nəsirov vəzifəsindən uzaqlaşdırılaraq, əvvəlki iş yerinə - "Palmali" Şirkətlər Qrupunun Türkiyədəki ofisinə göndərilib.
Bəşirov "Xəzər-Lənkəran"ın fanklubunun fəal üzvlərindən olub. Yeni vitse - prezidentin 24 yaşı var.
"Xəzər-Lənkəran" klubu Azərbaycan kubokunun və Rusiyada təşkil olunan "Birlik Kuboku"nun son qalibidir.
Məqalə müəllifi ilə əlaqə ünvanı: [email protected]