...

Baş Prokurorluq apellyasiya protestinin verilməsini nəzərdə tutan maddənin şərh edilməsi ilə bağlı Konstitusiya Məhkəməsinə sorğu verib

Cəmiyyət Materials 10 Fevral 2009 12:26

Trend-i buradan izləyin

Azərbaycan, Bakı, 10 fevral / Trend , müxbir  K.Zərbalıyeva/ Baş Prokurorluq apellyasiya şikayəti və apellyasiya protestinin verilməsini nəzərdə tutan maddənin şərh edilməsi ilə bağlı Konstitusiya Məhkəməsinə (KM) sorğu verib.

KM-dən çərşənbə axşamı Trend -a verilən məlumata görə, Cinayət Prosessual Məcəlləsinin 397-ci maddəsi apellyasiya şikayəti və ya apellyasiya protestinə baxılması hüdudlarını müəyyən edir.

Məhkəmədən bildirilib ki, hökmdən kasasiya şikayəti və ya kasasiya protesti verilərkən məhkəmə məhkumun vəziyyətini ağırlaşdıran qərar qəbul edə bilməz. Apellyasiya şikayəti və ya protestində bu qayda nəzərdə tutulmayıb. Baş Prokurorluq sorğusunda apellyasiya protesti verilərkən məhkumun cəzasının artırılması tələbinin qoyulub-qoyulmamasının aydınlaşdırılmasını xahiş edib.

KM-yə digər bir müraciət isə Cinayət Məcəlləsinin 83-cü (məhkumluq) maddəsinin şərhi ilə bağlıdır.

Ağır Cinayətlərə Dair İşlər üzrə Məhkəmə sorğusunda məhkumluğun hansı qaydada ödənilmiş və ya götürülmüş olduğunu şərh etməyi xahiş edib.

Hər iki sorğu KM-nin palatalarının müzakirəsindədir.

Məqalə müəllifi ilə əlaqə ünvanı:[email protected]

Xəbər lenti

Xəbər lenti