...

"Bakı" futbol klubunun baş məşqçisi Azərbaycan kuboku oyununda heç-heçəyə razıdır

Cəmiyyət Materials 25 Fevral 2009 12:24

Trend-i buradan izləyin

Azərbaycan, Bakı, 25 fevral / Trend , müxbir R.Ergün/

Azərbaycanın "Bakı" futbol klubunun makedoniyalı baş məşqçisi Qyoko Hacievski "Xəzər-Lənkəran"la kubok oyununda heç-heçəyə razıdır.

"Bakı" "Xəzər-Lənkəran"la oyunda qələbə qazanmaq üçün mübarizə aparacaq. Amma komandamızın bu görüşdə hesab açılmaqla heç-heçə etməsinə də razıyıq", - çərşənbə günü "Bakı" klubunun saytına açıqalamasında Hacievski deyib.

"Bakı" ilə "Xəzər-Lənkəran" arasında Azərbaycan kuboku çərçivəsində 1/4 final mərhələsinin ilk oyunu bu gün, Lənkəran şəhər stadionunda keçiriləcək. Oyun saat 18.00-da başlayacaq.

Hacievski "Xəzər-Lənkəran"ın güclü komanda olduğunu bildirib.

"Xəzər-Lənkəran" güclü komandadır və qış fasiləsində bu klubun heyətinə səviyyəli futbolçular cəlb olunub. Lakin bu amil bizim Azərbaycan kubokunu qazanmaqla bağlı planlarımıza heç bir təsir göstərməyəcək", - deyə baş məşqçi əlavə edib.

"Xəzər-Lənkəran" Azərbaycan kubokunun sonuncu qalibidir.

Hacievski əvvəllər Makedoniya və Azərbaycan yığma komandalarının baş məşqçisi olub. 

Məqalə müəllifi ilə əlaqə ünvanı: [email protected]

Xəbər lenti

Xəbər lenti