Azərbaycan, Bаkı, 27 may / Trend , müxbir A.Hüseynbala /
Azərbaycanın Türkiyədəki səfirliyinin binasında 28 may - Respublika günü münasibətilə tədbir keçirilib.
"Tədbirə Türkiyədəki Azərbaycan diasporunun fəalları, Diasporla İş üzrə Dövlət Komitəsinin əməkdaşları ilə yanaşı, yüksək səviyyəli dövlət rəsmiləri və millət vəkilləri də dəvət olunublar", - çərşənbə günü Trend -a Diasporla İş üzrə Dövlət Komitəsindən bildirilib.
Birləşmiş Ərəb Əmirliklərinin Dubay Əmirliyində də Respublika Günü qeyd olunub. "Tədbirdə Birləşmiş Ərəb Əmirliklərində yaşayan azərbaycanlılar və digər xalqların diaspor təşkilatlarının nümayəndələri iştirak edib. Mərasimdə çıxış edən BƏƏ-dəki Azərbaycan diasporunun sədri Samir İmanov Şərqdə ilk hüquqi, demokratik və dünyəvi dövlət olan Azərbaycan Xalq Cümhuriyyətinin tarixi, nailiyyətləri, süqutu və bunun səbəbləri, 1991-ci ildən sonra yenidən Azərbaycanın müstəqiliyinin bərpa edilməsi haqqında məlumat verib", - komitənin məlumatında qeyd edilir.
Məqalə müəllifi ilə əlaqə ünvanı:[email protected]
