...

Azərbaycanda mənimsəmədə ittiham olunan bank işçisinin məhkəməsi başlayıb

Cəmiyyət Materials 6 İyul 2009 16:07 (UTC +04:00)

Azərbaycan, Bakı, 06 iyul / Trend , müxbir H.Bağırov /

Azərbaycanda mənimsəmədə ittiham olunan bank işçisinin məhkəmə işi başlayıb.

Ağır Cinayətlərə Dair İşlər Üzrə Məhkəmədə bazar ertəsi keçirilən prosesdə "Kapital Bank"ın Qobustan rayon filialının rəhbəri Pərvin Kazımov ifadə verib və özünü elan olunan ittiham üzrə təqsirli bilməyib.

Cinayət Məcəlləsinin mənimsəmə və ya israfetmə (179.3.2) və vəzifə səlahiyyətlərindən sui-istifadə etmə (308.1) maddələri ilə ittiham olunan filial rəhbəri ötən ilin dekabrında "İnterstar" beynəlxalq şirkətinin adına kredit verilməsi ilə bağlı saxta sənədlər hazırlayıb və 65 min manat məbləğində pul mənimsəyib.

Kazımov ifadəsində bildirib ki, qeyd olunan məbləğ kredit şəklində şirkətin hesabına köçürülüb və həmin məbləği mənimsəməyib.

Filial rəhbəri barəsində cinayət işinin istintaqı baş prokuror yanında Korrupsiyaya Qarşı Mübarizə İdarəsində aparılıb.

Məqalə müəllifi ilə əlaqə ünvanı: [email protected]

Xəbər lenti

Xəbər lenti