Azərbaycan, Bakı, 13 oktyabr / Trend , müxbir H.Bağırov/
Azərbaycan paytaxtında silahlı basqında təqsirli bilinən şəxslərə cəza kəsilib.
Trend -un məlumatına görə, Ağır Cinayətlərə Dair İşlər üzrə Məhkəmənin hökmü ilə Bakı şəhər sakinləri Vişnikov İqor Valentinoviç 11 il, Azər Şahməmmədov isə 10 il müddətinə azadlıqdan məhrum ediliblər.
Təqsirləndirilən şəxslər bu il mayın 7-də Albalı qəsəbəsi sakini Ramiz Qasımovun evinə basqın ediblər. Onlar Qasımova ağır bədən xəsarəti yetirərək,evi qarət ediblər. Təqsirləndirilən şəxslər Azərbaycanın Cinayət Məcəlləsinin zərərçəkmiş şəxsin sağlamlığına ağır zərər vurulmaqla quldurluq əməli törətmək (181.3.3) maddəsi ilə ittiham olunublar.
Məqalə müəllifi ilə əlaqə ünvanı: [email protected]
