Azərbaycan, Bakı, 15 oktyabr / Trend , muxbir H.Bağırov /
Azərbaycana qaşaqmalçılıq yolu ilə narkotik vasitələr gətirməkdə ittiham olunan İran vətəndaşlarının məhkəməsi başlayıb.
Trend -un məlumatına görə, Ağır Cinayətlərə Dair İşlər üzrə Məhkəmədə İran vətəndaşları Cəmşidi Davud Abutalıb oğlu, Heydər Zahir Rəşit oğlu, Hacızadə Ləyalestani Zəhra Cavad qızı, Nəzəri Nürətabad Vəhdət Bəhriş oğlunun cinayət işi üzrə məhkəmənin hazırlıq iclası keçirilib. Hazırlıq iclasının qərarı ilə məhkəmə baxışı oktyabrın 26-na təyin edilib.
Adı çəkilən şəxslər Cinayət Məcəlləsinin qaçaqmalçılıq (206.4), qanunsuz olaraq odlu silah, onun komplekt hissələrini, döyüş sursatı, partlayıcı maddələr və qurğular əldə etmə, başqasına vermə, satma, saxlama, daşıma və gəzdirmə (228.3, 228.4), qabaqcadan əlbir olan bir qrup şəxs tərəfindən və ya mütəşəkkil dəstə tərəfindən, külli miqdarda narkotik vasitələri, psixotrop maddələri və ya prekursorları hazırlama, istehsal etmə, əldə etmə, saxlama, daşıma, göndərmə və ya satma (234.4.1, 234.4.3), Azərbaycan Respublikasının dövlət sərhədini qanunsuz olaraq keçmə (318.2) maddələri ilə ittiham olunurlar.
Təqsirləndirilən şəxslər bu il iyunun 16-da Dövlət Sərhəd Xidmərinin əməkdaşları tərəfindən Lənkəran şəhərində 50 kq həşişi 26 min ABŞ dollarına satmaq istəyərkən saxlanılıblar. Onlardan qaz tapançası da aşkar edilərək, götürülüb.
Məqalə müəllifi ilə əlaqə ünvanı: [email protected]
