...

Qədim türk abidələrinin məhv edilməsinin qarşısını almaq üçün bütün qüvvələri birləşdirmək lazımdır – TÜRKSOY-un baş direktoru

Cəmiyyət Materials 16 Oktyabr 2009 19:54 (UTC +04:00)
Qədim türk abidələrinin məhv edilməsinin qarşısını almaq üçün bütün qüvvələrimizi birləşdirməliyik, TÜRKSOY-un baş direktoru Düsen Kaseinov cümə günü Trend News-a deyib.
Qədim türk abidələrinin məhv edilməsinin qarşısını almaq üçün bütün qüvvələri birləşdirmək lazımdır – TÜRKSOY-un baş direktoru

Azərbaycan, Bakı, 16 oktyabr / Trend , müxbir M.Əliyev/

Qədim türk abidələrinin məhv edilməsinin qarşısını almaq üçün bütün qüvvələrimizi birləşdirməliyik, TÜRKSOY-un baş direktoru Düsen Kaseinov cümə günü Trend -a deyib.

Onun sözlərinə görə, türk mədəni abidələrinə qarşı vəhşi münasibət dünya tarixi boyunca müşahidə olunub. "Qeyd etmək lazımdır ki, təəssüflər olsun ki, bir çox siyasətçilər bu prosesə mane ola bilmirlər və biz yalnız birləşərək onları qoruya bilərik", - Kaseinov deyib.

TÜRKSOY-un rəhbəri deyib ki, artıq yeni fond yaradılıb və bu fondun vəsaitləri hesabına abidələrin bərpa olunması nəzərdə tutulur.

Azərbaycanın işğal edilmiş ərazisində 689 abidə var ki, onlardan 13-ü (6 memarlıq və 7 arxeoloji) dünya səviyyəsində, 242-si (117 memarlıq və 7 arxeoloji) dövlət səviyyəsində və 434-ü (373 memarlıq və 23 arxeoloji abidə, 21 bağ, parklar, əzəmətli abidələr, 17 tətbiqi incəsənət əsəri) yerli səviyyədə böyük əhəmiyyət kəsb edir.

Ermənistan Azərbaycan ərazisinin 20 faizini - Dağlıq Qarabağı və ətrafındakı yeddi rayonu işğal edib. İşğal 1988-ci ildən başlayıb, 1991-ci ilin dekabrınadək, Şuşa və Xocalı istisna olmaqla, Dağlıq Qarabağ Azərbaycanın nəzarətindən çıxıb. 1992 - 1993-cü illərdə isə, Şuşa, Xocalı və Dağlıq Qarabağın ətrafındakı daha yeddi rayon işğal edilib. 1994 - cü ildə Ermənistanla Azərbaycan arasında atəşkəs haqqında razılıq əldə olunub və indiyədək də tərəflər arasında sülh danışıqları davam etdirilir.

Baş ofisi Ankarada yerləşən TÜRKSOY (Türk Kültür və Sənətləri Ortak Yönətimi) 1993-cü ildə Azərbaycan, Qazaxıstan, Özbəkistan, Türkiyə və Türkmənistan tərəfindən yaradılmış beynəlxalq təşkilatdır. Təşkilatın əsas məqsədi türk xalqlarının ortaq maddi və mənəvi abidələrini qorumaq, inkişaf etdirmək və gələcək nəsillərə ötürmək istiqamətində türkdilli xalqlar arasında əməkdaşlıq etməkdir.

Təşkilat eyni zamanda, YUNESKO da daxil olmaqla, bir sıra nüfuzlu beynəlxalq təşkilatlarla da əməkdaşlıq edir. TÜRKSOY-un ən yüksək orqanı üzv ölkələrin Mədəniyyət Nazirləri Daimi Şurasıdır.

Məqalə müəllifi ilə əlaqə ünvanı: [email protected]

Xəbər lenti

Xəbər lenti