Azərbaycan, Bakı, 3 noyabr / Trend , müxbir K.Zərbalıyeva/
Azərbaycan Ali Məhkəməsinin Plenumunda qətimkan tədbirləri ilə bağlı məhkəmə ümumiləşdirməsinin nəticələri müzakirə olunub.
Ali Məhkəmədən çərşənbə axşamı Trend -a verilən məlumata görə, Bakı və Sumqayıt şəhər məhkəmələrinin hakimləri tərəfindən ötən il qətimkan tədbirləri ilə bağlı çıxarılan məhkəmə qərarlarının ümumiləşdirilməsi aparılıb.
Plenumun bu gün keçirilən iclasında ümumiləşdirmə müzakirə olunub və bu sahədəki nöqsanlar qeyd edilib. Məhkəmələrin həbslə bağlı qətimkan tədbirlərinə üstünlük verməsindən narahatlıq vurğulanıb və məhkəmələrə bu qəbildən olan qərarlar çıxarılarkən işin obyektiv araşdırılması və əsaslandırılmış qərar qəbul olunması tövsiyə edilib.
Plenumda Ağır Cinayətlərə Dair İşlər üzrə Məhkəmənin sədrinin ötən illə bağlı hesabatı dinlənilib.
Məqalə müəllifi ilə əlaqə ünvanı: [email protected]
