Azərbaycan, Bakı, 06 noyabr / Trend , müxbir K.Zərbalıyeva/
Azərbaycanda həbsdə olan gənclərin məhkəmə prosesi davam edir.
Trend -un məlumatına görə, cümə günü Bakının Səbail rayon məhkəməsində xuliqanlıqda təqsirli bilinən Adnan Hacızadə və Emin Millinin cinayət işi üzrə keçirilən prosesdə sonuncu şahid ifadəsi dinlənilib. Şahid prosesdə iştirak etmədiyindən onun istintaqa verdiyi ifadəsi elan olunub.
Trend -un arayışı: Rəsmi məlumata görə, 2009-cu il iyulun 9-da, saat 18.00 radələrində içkili vəziyyətdə olan Adnan Hacızadə, habelə Emin Milli (Abdullayev) və daha beş nəfər "Lebonese" restoran-barında ucadan etik normadan kənar nalayiq ifadələr işlətdiklərinə görə, onlara irad tutan vətəndaşlar Vüsal Məmmədov və Babək Hüseynova qarşı heç bir əsaslı səbəb olmadan fiziki zor tətbiq etməklə qərəzli xuliqanlıq hərəkətlərinə yol veriblər.
Onlar xuliqanlıqda (221) və qəsdən sağlamlığa az ağır zərər vurmaqda (127) ittiham olunurlar. Gənclər ittihamları qəbul etmirlər və həbslərinin sifarişli olduğunu deyirlər.
Sonra proses iştirakçıları zərərçəkmiş Vüsal Məmmədova suallar veriblər.
Proses noyabrın 11-də davam etdiriləcək.
Məqalə müəllifi ilə əlaqə ünvanı: [email protected]