Azərbaycan, Bakı, 13 noyabr / Trend , müxbir H.Bağırov/
İrandan Azərbaycana qaçaqmalçılıq yolu ilə narkotik vasitə gətirməkdə ittiham olunan şəxslərə hökm oxunub.
Trend -un məlumatına görə, cümə günü Ağır Cinayətlərə Dair İşlər üzrə Məhkəmənin hökmü ilə Zaur Məmmədov və Əvəz Məmmədov hər biri 14 il azadlıqdan məhrum ediliblər.
Bu il martın 1-də Daxili İşlər Nazirliyi Baş Narkotiklərlə Mübarizə İdarəsi və Biləsuvar rayon Polis Şöbəsi əməkdaşlarının birgə keçirdikləri əməliyyat tədbirləri nəticəsində Cəlilabad rayon sakinləri Zaur Məmmədov və Əvəz Məmmədov 5 kiloqram 490 qram heroini satarkən tutulublar.
Onlar Cinayət Məcəlləsinin qaçaqmalçılıq (206.3.2), qabaqcadan əlbir olan bir qrup şəxs tərəfindən və ya mütəşəkkil dəstə tərəfindən, külli miqdarda narkotik vasitələri, psixotrop maddələri və ya prekursorları hazırlama, istehsal etmə, əldə etmə, saxlama, daşıma, göndərmə və ya satma (234.4.1, 234.4.3) maddələri ilə ittiham olunublar.
Məqalə müəllifi ilə əlaqə ünvanı: [email protected]
