Gürcüstan, Tbilisi, 26 noyabr / Trend , müxbir N.Kirsxaliya/
Gürcüstanda son bir gündə A/H1N1 virusuna 27 yeni yoluxma halı qeydə alınıb. Xəstələnənlərin ümumi sayı 147-yə çatıb. Bu barədə Xəstələrə Nəzarət üzrə Milli Mərkəzdən bildirilib.
Xəstəliyin ilkin halları yüngül və orta səviyyədə keçir. Bütün xəstələr həkim nəzarəti altında evdə müalicə olunurlar. Xəstələnənlər əsasən 15-dən 60 yaşa kimi olan insanlardır.
Həkimlər bildiriblər ki, yeni virusun pandemiyasına hazırdırlar, poliklinikalar və "təcili yardım"ların bütün həkimləri xüsusi təlimlər keçiblər.
Məqalə müəllifi ilə əlaqə ünvanı: [email protected]