Azərbaycan, Bakı, 13 yanvar / Trend , müxbir H.Bağırov/
Azərbaycanda ali məktəblərə qanunsuz tələbə qəbul etdirməkdə ittiham olunan şəxslərin barəsində cinayət işi başlayıb.
Yasamal rayon Polis İdarəsindən Trend -a verilən məlumata görə, Sumqayıt şəhər sakinləri Həbib Müsəllim oğlu Məmmədov və Rəşid Murad oğlu Mehdiyev ali məktəbə düzəltmək adı ilə Quba rayon sakini Elman Vahab oğlu Musayevdən 26 min ABŞ dolları, Ağcabədi rayon sakini, Faiq Cəlal oğlu Şirinlidən 8500 ABŞ dolları alaraq, mənimsəyib.
Adı çəkilən şəxslər zərərçəkmişlərdən pulları alsalar da, vədlərinə əməl etməyiblər.
Faktla bağlı araşdırma aparılır.