Azərbaycan, Lənkəran, 19 yanvar / Trend , müxbir A.Hüseynbala/
Azərbaycanın cənubunda yerləşən Lənkəran rayonunda (paytaxt Bakıdan 270 kilometr aralı) ötən il meşələrin qanunsuz qırılmasına görə, 15 nəfər barəsində akt və protokol tərtib edilib.
Lənkəran şəhər Meşə Mühafizəsi və Bərpası Müəssisəsinin direktoru Şakir Lətifov Trend -a bildirib ki, həmin şəxslərdən 6-sı məhkəməyə verilib.
Onun sözlərinə görə, həmin şəxslər müəssisənin ərazisinə daxil olan meşələrdən 53 kubmetr ağac kəsməklə 1633 manat dəyərində ziyan vurub. Dəyən ziyanın 302 manatı yerindəcə ödənilib, 1000 manatın isə məhkəmə qaydasında ödənilməsi təmin edilib.
Onun sözlərinə görə, ağacları qanunsuz kəsərək satan 4 meşə gözətçisi saxlanılıb. Onlardan 2-sinə şiddətli töhmət verilib, 1-i vəzifəsindən azad edilib, 1-nə isə xəbərdarlıq edilib.
İl ərzində Meşələrin Qorunub Saxlanması Fonduna 14 min 627 manat vəsait ödənilib.