Azərbaycan, Bakı, 22 fevral / Trend , müxbir M.Əliyev/
Azərbaycanın Gənclər və İdman Nazirliyi kayakçılar üçün 2 yeni qayıq alıb. Bu barədə məlumatı Trend -a bazar ertəsi Azərbaycan Milli Avarçəkmə Federasiyasının mətbuat xidmətindən bildiriblər.
Polşada istehsal olunan "Plastex" markalı qayıqlardan biri 2 nəfərlik, digəri isə 4 nəfərlikdir.
Qayıqlar hazırda Mingəçevir şəhərində təlim-məşq toplantısında olan kayakçılara göndərilib.
Hazırda Mingəçevir şəhərində "Kür" Olimpiya Mərkəzi müasir tələblərə uyğun inşa olunur. Nəhəng idman qurğusunun yaxın aylarda istifadəyə veriləcəyi gözlənilir.