Azərbaycan, Bakı, 6 mart / Trend /
İranın Meşkinşəhər şəhərinin "Əndişə" sarayında "Azərbaycan memarlığı tarixin keçidində və onun İranın inkişafında rolu" adlı konfrans keçiriləcək. Bu barədə Trend İran televiziyasının rəsmi xəbər saytına istinadən məlumat yayıb.
Konfransa 80 məqalə təqdim olunub ki, onlardan 50-si konfransda araşdırılacaq və 12 ən yaxşı məqalə seçiləcək.
Konfrans Azərbaycanın yerli memarlıq və islami memarlıq növlərinin araşdırılması, Azərbaycan memarlığına tarix, hava şəraiti və mədəniyyətlərin təsiri və onun turizmin inkişafında rolu kimi məsələləri araşdırmaq məqsədi ilə keçirilir.
Konfrans çərçivəsində müxtəlif memarlıq nümunələrinin sərgisi də keçiriləcək.