Azərbaycan, Bakı, 8 iyul /Trend, müxbir M.Əliyev/
Azərbaycan Respublikasının Prezidenti yanında Dövlət qulluğu məsələləri üzrə komissiya tərəfindən dövlət qulluğu vəzifəsinin tutulması üçün təşkil olunan test imtahanlarının nəticələri açıqlanıb. Bu barədə komissyanın məlumatında deyilir.
Qəbul dövlət qulluğunun 8 və 9-cu təsnifat vəzifələri üzrə keçirilir.
8 və 9-cu təsnifat vəzifələri üzrə təqdim edilən 100 sualın, ən azı, 80-nə, 6-cı və 7-ci təsnifat vəzifələri üzrə isə ən azı, 70 suala düzgün cavab verənlər vəzifə tutmağa iddialı ola bilərlər. İmtahanların ikinci mərhələsində namizədlər müsabiqədən keçəcəklər.
30 aprel - 5 iyul tarixlərində keçirilən imtahanlarda 6-cı və 7-ci təsnifat vəzifələri 340 nəfər, 8-ci və 9-cu təsnifat vəzifələrinə 414 nəfər üzrə inzibati vəzifələr tutmaqdan ötrü imtahanların ikinci mərhələsində iştirak etmək üçün keçid bal toplayıblar. 6-cı və 7-ci təsnifat vəzifələri üzrə 580 nəfər namizəd lazımi bal toplaya bilməyib, lakin 8-ci və 9-cu təsnifat vəzifələri üzrə vəzifələrə iddialı ola bilərlər.
İmtahan verənlərin əksəriyyəti - 116 nəfər Əmlak Məsələləri Komitəsində vəzifə tutmaqda iddialıdırlar.