Azərbaycan, Bakı, 31 avqust /Trend, müxbir K.Zərbalıyeva/
Azərbaycanda vakant dövlət qulluğu vəzifələrinin tutulması üçün yeni müsabiqə və müsahibə elan edilib.
Azərbaycan Respublikasının Prezidenti yanında Dövlət Qulluğu Məsələləri üzrə Komissiyadan çərşənbə axşamı Trend-ə verilən məlumata görə, sentyabrın 1-dən 11 dövlət orqanında inzibati vəzifələrin altıncı - doqquzuncu təsnifatlarına uyğun olan 67 vakant dövlət qulluğu vəzifələrinin tutulması üçün müsabiqə və müsahibə elan olunub.
Ümumilikdə vakant dövlət qulluğu vəzifələrindən 65-i mərkəzi icra hakimiyyəti orqanlarının mərkəzi aparatları və yerli təşkilatlarında, 2-si isə yerli məhkəmə orqanlarının aparatlarında olmaqla, 32-si müsabiqəyə, 35-i isə müsahibəyə çıxarılır.
Müsabiqəyə çıxarılan vakant vəzifələrdən 22-si inzibati vəzifələrin altıncı təsnifatına, 9-u inzibati vəzifələrin yeddinci təsnifatına, 1-i isə inzibati vəzifələrin doqquzuncu təsnifatına aiddir.
Müsabiqəyə çıxarılmış vakant dövlət qulluğu vəzifələrinin tutulma prosesi iki mərhələdən - test imtahanı və müsahibə mərhələlərindən ibarətdir. Müvafiq vəzifənin tələblərinə uyğun gələn, ali təhsilli hər bir Azərbaycan Respublikasının vətəndaşı müsabiqədə iştirak edə bilər.
Müsahibəyə çıxarılan vakant vəzifələrdən 25-i inzibati vəzifələrin altıncı təsnifatına, 1-i inzibati vəzifələrin yeddinci təsnifatına, 4-ü inzibati vəzifələrin səkkizinci təsnifatına, 5-i isə inzibati vəzifələrin doqquzuncu təsnifatına aiddir.
Müsahibəyə çıxarılan vakant dövlət qulluğu vəzifələrinin tutulmasında həmin dövlət orqanında və ya digər dövlət orqanında həmin inzibati vəzifənin təsnifatından ən çoxu iki təsnifat aşağı inzibati vəzifələrdə çalışan dövlət qulluqçuları (qeyd edilən şəxslərin inzibati vəzifələrə uyğun ixtisas dərəcəsi olmalıdır), azı 5 il qulluq stajı olan və dövlət orqanında həmin vəzifənin təsnifatından ən çoxu iki təsnifat aşağı inzibati vəzifələrdə çalışmış şəxslər iştirak edə bilərlər.
Müsabiqədə iştirak etmək arzusunda olan Azərbaycan Respublikası vətəndaşları öz sənədlərini 30 gün, müsahibədə iştirak etmək arzusunda olan Azərbaycan Respublikası vətəndaşları isə 20 gün müddətində Komissiyaya şəxsən və ya poçtla təqdim etməlidirlər.
Müsabiqəyə və müsahibəyə çıxarılan vakant dövlət qulluğu vəzifələri aşağıdakı dövlət orqanlarındadır:
|
Dövlət Şəhərsalma və Arxitektura Komitəsi |
|
Sənaye və Energetika Nazirliyi |
|
Milli Arxiv İdarəsi |
|
Kənd Təsərrüfatı Nazirliyi yanında Dövlət Baytarlıq Xidməti |
|
Zaqatala Rayon Məhkəməsi |
|
Dövlət Şəhərsalma və Arxitektura Komitəsi |
|
Təhsil Nazirliyi |
|
Sənaye və Energetika Nazirliyi |
|
Rabitə və İnformasiya Texnologiyaları Nazirliyi |
|
Gənclər və İdman Nazirliyi |
|
Kəlbəcər Rayon Məhkəməsi |