Azərbaycan, Bakı, 24 noyabr /Trend, müxbir M.Əliyev/
Azərbaycanda dekabrın ikinci yarısında ümumtəhsil məktəblərindəki vakant pedaqoji yerlərin tutulması üzrə növbəti müsabiqənin keçirilməsi gözlənilir. Bu barədə Trend-ə Azərbaycanın Təhsil Nazirliyindən məlumat verilib.
Hazırda Təhsil Nazirliyinin imtahanın tarixi və müsabiqəyə çıxarılacaq vakant yerlərin sayı barədə qərarı gözlənilir.
Azərbaycanda müəllimlərin işə qəbulu üzrə 2010-cu il avqust-sentyabr aylarında keçirilən birinci müsabiqənin yekunlarına görə, 226 iştirakçı işə qəbul edilib.
Elan edilən 228 boş yerdən 62-si boş qalıb. Bu yerlərin böyük hissəsi regionlardakı məktəblərə aiddir.
Azərbaycanın orta məktəblərinə əsasən, bədən tərbiyəsi, ibtidai hərbi hazırlıq və informatika üzrə pedaqoqlar tələb olunur.
Bir müddət əvvəl Təhsil Nazirliyindən bildirilib ki, müəllimlərdən bir neçəsi sonradan təklif olunan vakansiyalardan imtina ediblər.
Ötən il Təhsil Nazirliyi ümumtəhsil məktəblərində 2009/2010 dərs ili üzrə 365 boş yerin tutulması üçün müsabiqə keçirib.
Azərbaycanın 4 552 dövlət ümumtəhsil məktəbində 170 min müəllim çalışır, 1 milyon 42 min şagird təhsil alır. 17 özəl ümumtəhsil məktəbində 1 005 şagird oxuyur.
