Gürcüstan, Tbilisi, 8 dekabr /Trend, müxbir N.Kirsxaliya/
Azərbaycan tərəfi David Qareci monastır kompleksinin əvəzinə digər sərhədyanı ərazinin verilməsi ilə bağlı Tbilisinin təklifini qəbul etməyib. "Kaxeti İnformasiya Mərkəzi" QHT-nin verdiyi məlumata görə, gürcü tərəfi Azərbaycana sərhədin Udabno dağından cənuba keçirilməsini təklif edib, lakin Azərbaycan tərəfi təklifi qəbul etməyib.
Xatırladaq ki, David Qareci Gürcüstan-Azərbaycan sərhədində demarkasiya-delimitasiya işlərinin yubanmasının başlıca səbəbidir.
Unikal David Qareci monastır kompleksi Qareci dağının 25 kilometrlik yarımsəhra əraizisi boyunca uzanır.
Gürcü tərəfi bu monastırı özünün dini abidəsi, azərbaycanlılar isə alban mədəniyyət abidəsi hesab edirlər.
