Azərbaycan, Bakı, 22 mart /Trend/
Novruz bayramı münasibətilə İçəri Şəhərdə təşkil olunan Meydan bazarında AFFA da iştirak edərək 2012-ci ildə Azərbaycanda keçiriləcək 17 yaşadək qızlardan ibarət komandalar arasında dünya çempionatının təbliğatını aparır. Məlumatı AFFA-ın rəsmi saytı yayıb.
Meydan bazarına gələnlərə U-17 qızlar arasında DÇ ilə bağlı AFFA tərəfindən hazırlanmış xüsusi bukletlər təqdim olunur. Həmçinin burada AFFA-nın aksessuarlarının satışı təşkil olunub və səyyar futbol meydançası quraşdırılıb.
