Azərbaycan, Bakı, 27 aprel /Trend, müxbir E.Tariverdiyeva/
Çərşənbə günü Rusiya İnformasiya-Mədəniyyət Mərkəzində Rusiya Əməkdaşlıq Təşkilatının nümayəndəliyi, RF-nin Azərbaycandakı səfriliyi və Rusiya pravoslav kilsəsinin Bakı-Azərbaycan yeparxiyası tərəfindən təşkil edilən xeyriyyə Pasxa bazarı açılıb.
Trend-in məlumatına görə, iki gün ərzində açıq olacaq Pasxa bazarı çərçivəsində xalq sənəti nümunələri, bəzək əşyaları, şəkillər, əl işləri və suvenirlərin satışı keçiriləcək.
Bundan başqa, Pasxa bazarı çərçivəsində xeyriyyə lotereyası oynanılacaq, vəsaitlər yığılacaq və konsert proqramı keçiriləcək. Tədbirdən toplanılan vəsaitlər Mərdəkan qəsəbəsindəki yetim və valideyn himayəsindən məhrum olmuş uşaqlar üçün 2 saylı internata köçürüləcək.