Azərbaycan, Bakı, 29 iyun /Trend, müxbir İ.İsabalayeva/
Tələbə Qəbulu üzrə Dövlət Komissiyası Azərbaycanın ali təhsil müəssisələrinin magistraturalarına qəbul imtahanının ikinci mərhələsinin nəticələrini açıqlayıb.
Komissiyanın mətbuat xidmətinin rəhbəri Elnur Nağızadə Trend-ə bildirib ki, imtahanın nəticələri www.tqdk.gov.az saytında yerləşdirilib.
Bu il ali məktəblərin magistraturasına 4396 nəfər qəbul olunub.
İmtahan iyunun 26-da Bakı, Gəncə və Naxçıvan şəhərlərində keçirilib.
İkinci mərhələdə bakalavrların ixtisas üzrə bilikləri test üsulu ilə onlara 50 test tapşırığı təqdim olunmaqla (bəzi proqramlar üzrə isə yazılı imtahanla) yoxlanılıb.