...

Azərbaycan Turizm İnstitutu Qırğızıstan və Ukraynanın turizm üzrə ixtisaslaşmış ali məktəbləri ilə əməkdaşlığı genişləndirəcək

Cəmiyyət Materials 21 İyul 2011 15:43 (UTC +04:00)
Azərbaycan Turizm İnstitutu (ATİ) Qırğızıstan və Ukraynanın turizm üzrə ixtisaslaşmış ali təhsil müəssisələri ilə əməkdaşlığı genişləndirməyi nəzərdə tutur.
Azərbaycan Turizm İnstitutu Qırğızıstan və Ukraynanın turizm üzrə ixtisaslaşmış ali məktəbləri ilə əməkdaşlığı genişləndirəcək

Trend-i buradan izləyin

Azərbaycan, Bakı, 21 iyul /Trend, müxbir İ.İsabalayeva/

Azərbaycan Turizm İnstitutu (ATİ) Qırğızıstan və Ukraynanın turizm üzrə ixtisaslaşmış ali təhsil müəssisələri ilə əməkdaşlığı genişləndirməyi nəzərdə tutur.

ATİ-nin mətbuat xidmətindən Trend-ə verilən məlumata görə, təhsil müəssisələri arasında əlaqələrin genişləndirməsi barədə Türkiyədə keçirilən "Anadolunun zirvəsində beynəlxalq tanıtım və əməkdaşlıq görüşü-2 (AZUTİB-2)" adlı tədbirdə iştirak edən ATİ əməkdaşları ilə Qırğızıstan Ticarət və Sənaye Palatasının birinci vitse-prezidenti Amangeldi Davletaliyev və TİKA-nın Ukrayna üzrə nümayəndəliyinin əməkdaşı Dilyaver Mambetov arasında fikir mübadiləsi aparılıb.

İyulun ikinci ongünlüyündə Türkiyənin Ərzurum şəhərində Şimal-Şərqi Anadolu İnkişaf Agentliyinin (KUDAKA) dəstəyi ilə keçirilən AZUTİB-2 beynəlxalq tədbirinə dünyanın 16 ölkəsindən 120 nəfər, Türkiyədən isə 200-dən artıq iştirakçı qatılıb. Zirvə görüşündə ölkəmizin təmsilçiləri sırasında ATİ-nin əməkdaşları - Şəhla Əhmədova və Nərminə Abdullayeva da olub.

ATİ-nin nümayəndələri səfər çərçivəsində Ərzurum şəhərinin tarixi-memarlıq abidələri, görməli yerləri və möhtəşəm qış turizmi kompleksi ilə yaxından tanış olublar.

Xəbər lenti

Xəbər lenti