Azərbaycan, Bakı, 20 sentyabr /Trend, müxbir K.Zərbalıyeva/
"Azərbaycan Gündəmi" qəzetinin baş redaktoru Elnur Məmmədovun cinayət işi baxılması üçün Bakı Ağır Cinayətlər Məhkəməsinə göndərilib.
Məhkəmədən Trend-ə verilən məlumata görə, cinayət işi baxılması üçün hakim Əfqan Hacıyevin icraatına verilib.
İş üzrə hazırlıq iclası sentyabrın 27-də keçiriləcək.
Daxili İşlər Nazirliyi Baş Mütəşəkkil Cinayətkarlıqla Mübarizə İdarəsi və Baş prokuror yanında Korrupsiyaya Qarşı Mübarizə İdarəsi əməkdaşlarının həyata keçirdikləri birgə əməliyyat-axtarış tədbirləri nəticəsində Elnur Məmmədov 1000 manat rüşvət alarkən tutulub.