Azərbaycan, Bakı, 10 oktyabr /Trend, müxbir K.Zərbalıyeva/
Şüvəlandakı 3 saylı istintaq təcridxanasında saxlanılan qadınlar yaxın günlərdə Bakı istintaq təcridxanasına köçürüləcək. Trend-in məlumatına görə, bunu bazar ertəsi jurnalistlərə Ədliyyə Nazirliyi Penitensiar Xidmətin rəisi Mədət Quliyev deyib.
Quliyev bildirib ki, 3 saylı istintaq təcridxanasında yaranmış sıxlıq bu prosesin həyata keçirilməsi ilə nisbətən aradan qaldırılacaq.
Onun sözlərinə görə, Bakı istintaq təcridxanasında daha bir korpus istifadəyə tam hazırdır və həmin korpusa 3 saylı istintaq təcridxanasından qadınların köçürülməsi nəzərdə tutulub.