Azərbaycan, Bakı, 28 dekabr /Trend müxbir H.Vəliyev/
Azərbaycan Rabitə və İnformasiya Texnologiyaları Nazirliyinin "Bakı Telefon Rabitəsi" İstehsalat Birliyinin (İB) abunəçiləri "Eurovision-2012" mahnı müsabiqəsi dövründə SMS-səsvermədə iştirak edə biləcəklər. Bu barədə çərşənbə günü Trend-ə İB-dən məlumat veriblər.
Bununla bağlı artıq hazırlıq işlərinə başlanılıb.
Şəbəkədən istifadə üçün abunəçi "107" telefon nömrəsinə zəng etməli, SMS göndərmək arzusu barədə məlumat verməli, məlumatın mətnini və SMS-in çatacağı telefon nömrəsini diktə etməlidir.
Qəbul edilən məlumat "107" xidmətinin operatorları tərəfindən ünvana göndərilir.
