Azərbaycan, Bakı, 24 fevral /Trend, müxbir K.Zərbalıyeva/
Fövqəladə Hallar Nazirliyi uşaqlar arasında müsabiqəyə start verib.
Trend-in cümə günü nazirliyin rəsmi saytına istinadən verdiyi məlumata görə, FNH Təhsil Nazirliyi ilə birlikdə məktəblilər arasında "Fövqəladə hallar uşaqların gözü ilə" II respublika uşaq yaradıcılıq müsabiqəsi keçirir.
Fevralın 1-dən başlayan müsabiqə mayın 1-dək davam edəcək.
Müsabiqə rəsm, plakat, əl işi, yumşaq oyuncaq, yanğın və qəza-xilasetmə texnikasının modeli nominasiyaları üzrə keçirilir.