Azərbaycan, Bakı, 7 mart /Trend, müxbir E.Mehdiyev/
Ermənistanın "Eurovision 2012"-də iştirakdan imtina etməsi ölkənin imicinə zərər yetirəcək. Trend-in məlumatına görə, bunu çərşənbə günü junalistlərə hakim Yeni Azərbaycan Partiyasının sədr müavini - icra katibi Əli Əhmədov bildirib.
"Düşünürəm ki, Ermənistan Bakıda keçiriləcək Avropanın ən möhtəşəm mahnı müsabiqəsində iştirakdan imtina edibsə, bu, onun onsuz da o qədər yaxşı olmayan imicinə zərər yetirəcək", - Əhmədov deyib.
O qeyd edib ki, Azərbaycan bütün ölkələrin, eyni zamanda, Ermənistanın mahnı müsabiqəsində iştirakı üçün hər cür şərait yaradıb.